Quen somos?

Boas, son José Ramón Gómez Besteiro! Avogado de profesión e candidato socialista á Presidencia da Xunta de Galicia.

Levo toda a miña vida política ligada ao socialismo galego. Comecei no Concello de Lugo, onde fun concelleiro, portavoz do goberno e tamén deputado provincial. E posteriormente presidín a Deputación de Lugo, sendo o primeiro socialista en facelo.

Tras un tempo apartado da política por unha inxustiza que quedou arquivada sen xuízo, volvín á política co mesmo compromiso de sempre. En 2023 fun delegado do Goberno en Galicia e deputado no Congreso, onde tiven a honra de realizar a primeira intervención en galego no Congreso.

Hoxe son portavoz do Grupo Parlamentario Socialista no Parlamento de Galicia e encabezo un proxecto claro: construír unha Galicia con máis oportunidades, máis xusta e con futuro.

Ola, son Carmela Silva.
Son licenciada en Dereito Económico-Empresarial e diplomada en Maxisterio. Na actualidade son presidenta do PSdeG e membro do Comité Federal, ademais de vicesecretaria xeral da Agrupación Local de Vigo.

Tamén son senadora, onde presido a Comisión de Orzamentos e exerzo como portavoz da Comisión de Seguimento do Pacto de Estado contra a Violencia de Xénero. Ademais, formo parte da Comisión de Igualdade, da Comisión de Regulamento e son viceportavoz da Comisión Xeral das Comunidades Autónomas.

No ámbito municipal, son primeira tenenta de alcalde no Concello de Vigo.

Boas, son Lara Méndez López!

Enxeñeira técnica agrícola, polo cal levo boa parte da miña vida profesional vinculada ao sector agrario e ao medio ambiente. Traballei en proxectos relacionados co rural, na formación de persoas desempregadas e emprendedoras, e tamén como técnica medioambiental, sempre coa mirada posta no desenvolvemento do noso territorio.

Comprometida co movemento asociativo, participei na creación de FADEMUR en Galicia, defendendo o papel das mulleres no rural e colaborando tamén en iniciativas culturais.

A miña traxectoria política comezou nas Xuventudes Socialistas e, co tempo, asumín distintas responsabilidades orgánicas dentro do PSdeG. Hoxe son vicesecretaria xeral da Executiva Nacional Galega e membro do Comité Federal.

Boas, son Marta!

Licenciada en Dereito, profesión que exerzo a día de hoxe. Ademais de ser vicesecretaria xeral da Comisión Executiva Municipal de Santiago de Compostela e membro do Comité Federal.

Fun concelleira no Concello de Santiago entre 2003 e 2015: durante oito anos formei parte do goberno municipal e os catro últimos estiven na oposición. Na lexislatura 2007-2011 fun tamén portavoz do grupo municipal socialista.

A miña traxectoria está marcada polo compromiso coa miña cidade e co servizo público, que sigo mantendo no meu traballo diario.

Boas, son Natalia!

Mestra na especialidade de Linguas Estranxeiras (Inglés) e conto cun posgrao en Comunicación e Liderado Político.

Dende 2019 son voceira e concelleira do PSdeG-PSOE no Concello de Ourense. Ademais, de secretaria xeral da Agrupación Municipal do PSdeG-PSOE de Ourense.

Entendo a política como unha ferramenta para mellorar a vida das persoas e traballo cada día con ese compromiso coa miña cidade.

Boas, son Luis Ángel!

Licenciado en Socioloxía e na actualidade exerzo como alcalde do Concello de Cerceda.

Ademais de presidente da Agrupación Local dos Socialistas de Cerceda e secretario de Política Municipal do PSdeG.

Entendo a política como un servizo á veciñanza e traballo cada día para mellorar o noso concello e as oportunidades da nosa xente.

Boas, son Abel Losada. Doutor en Ciencias Económicas pola Universidade de Santiago de Compostela e profesor titular de Historia e Institucións Económicas na Universidade de Vigo.

Militante do PSdeG–PSOE dende 1987, ademais de secretario xeral da Agrupación Socialista de Vigo e membro da Executiva Nacional Galega.

Fun deputado no Parlamento de Galicia durante varias lexislaturas e portavoz do Grupo Parlamentario Socialista.

Na actualidade presido a Comisión de Facenda e son portavoz de Industria, Enerxía e Innovación. Dende 2023 son subdelegado do Goberno na provincia de Pontevedra.

Entendo o servizo público como unha forma de contribuír ao desenvolvemento de Galicia con rigor, responsabilidade e compromiso coa xente.

Boas, son Noemí.

Concelleira de Mobilidade e Infraestruturas no Concello da Coruña, tras ter asumido tamén responsabilidades na área de Medio Ambiente.

No ámbito orgánico, son secretaria de Ordenación Territorial e Rexeneración Urbana na Executiva Nacional Galega. Comprometida coa defensa dos dereitos LGBTI+ na Coruña.

A miña traxectoria profesional combina a función pública na Xunta de Galicia co traballo en xestión de servizos e proxectos, sempre vinculada ao territorio, ao medio ambiente e á mellora dos espazos que habitamos.

Formeime en Enxeñería Forestal e en prevención de riscos laborais, e sigo ampliando coñecementos no ámbito audiovisual.

Traballo coa convicción de construír cidades máis sostibles, inclusivas e pensadas para as persoas.

Boas, son María Fernández. Licenciada en Dereito e en Publicidade e Relacións Públicas.

Na actualidade son concelleira en Ourense e secretaria de Acción Electoral na Executiva Municipal.

Nai, socialista e feminista. Creo nunha política útil, que mellore a vida das persoas e avance en igualdade.

Boas, son Fabián. Mestre de Educación Física entre outras cousas.

Formeime na Universidade da Coruña, onde cursei o Grao en Educación Primaria, e un Mestrado en investigación e innovación educativa e actualmente estou a realizar o doutoramento en Equidade e Innovación en Educación.

No ámbito político, son concelleiro de Deportes e Educación en Camariñas, ademais de secretario de Educación na Executiva provincial do PSdeG da Coruña e vicesecretario da agrupación socialista de Camariñas.

Creo na educación e no deporte como ferramentas clave para construír unha sociedade máis xusta e con máis oportunidades.

Boas, son Aitor Bouza. Licenciado en Dereito pola Universidade de Santiago de Compostela e asesor xurídico e profesor. Ademais, de contar cun Mestrado en Márketing, Consultoría e Comunicación Política.

Na actualidade son secretario xeral do PSdeG de Santiago e presidente do Comité Galego Arbitral da Federación Galega de Natación.

Entendo o servizo público como un compromiso coa sociedade, traballando con responsabilidade e a vocación para mellorar o noso entorno.

Boas, son Nereida Canosa. Concelleira de Benestar Social, Participación e Igualdade no Concello da Coruña.

Terapeuta ocupacional e docente e investigadora na Universidade da Coruña, onde desenvolvín boa parte da miña traxectoria académica, asumindo tamén responsabilidades como vicedecana e coordinadora de titulacións.

Ao longo da miña carreira profesional traballei no ámbito sociosanitario, especialmente na atención á saúde mental, á infancia e á discapacidade. Ademais, participo en espazos de investigación e no ámbito do feminismo e a igualdade.

Formeime en Terapia Ocupacional e Xerontoloxía, e completei a miña especialización con estudos en política social e investigación sanitaria.

Creo nunha política centrada nas persoas, que coide, acompañe e garanta dereitos.

Boas, son Rubén. Xurista e profesor, formado en Dereito pola Universidade de Santiago de Compostela, onde tamén cursei o Mestrado de Profesorado, e completei o de Avogacía na UNED.

A miña traxectoria política comezou en Xuventudes Socialistas, onde asumín responsabilidades en Santiago e a nivel galego. Fun concelleiro en Santiago de Compostela entre 2020 e 2023, encargado das áreas de Educación, Mocidade e Políticas Lingüísticas.
Tamén traballei como profesor e tiven a oportunidade de colaborar no ámbito europeo (Delegación Socialista Europea). Na actualidade, son asistente parlamentario en políticas sanitarias.

Creo nunha política útil, centrada na xente nova e no futuro do noso país.

Boas, son Julio Torrado.

Docente e investigador na Universidade de Santiago de Compostela, desenvolvo tamén actividade docente en distintas universidades internacionais como a Universidade Lusófona do Porto, a Pontificia de Ecuador e a UNIR. Ademais, colaboro como profesor de posgrao na Facultade de Psicoloxía da USC.

Entre 2016 e 2023 fun deputado autonómico no Parlamento de Galicia. E agora volvo a selo.

Entendo a docencia e o servizo público como ferramentas para formar, compartir coñecemento e contribuír a unha sociedade mellor.

Boas, son Patricia Otero. Licenciada en Dereito. Desenvolvín a miña traxectoria profesional como asesora xurídica, orientadora laboral e avogada laboralista.

Iniciei a miña etapa institucional como concelleira en Burela, nas áreas de Servizos Sociais, Economía, Facenda e Mar. Posteriormente fun deputada no Parlamento de Galicia, onde exercín como voceira de Pesca e Infraestruturas.

Na actualidade son deputada no Congreso, onde son voceira de Agricultura.

Tamén asumín distintas responsabilidades orgánicas no PSdeG, como secretaria provincial en Lugo e en áreas como Pesca e Transportes na Executiva Nacional Galega.

Traballo co compromiso de defender os intereses de Galicia e, especialmente, do noso sector primario.

Boas, son Julio Abalde.
Entre 2016 e 2024 fun Reitor da Universidade da Coruña. Doutoreime en Bioloxía pola Universidade de Santiago de Compostela e actualmente Catedrático en Microbioloxía. Desenvolvín a miña traxectoria investigadora no ámbito científico, con numerosas publicacións, proxectos e dirección de teses.
Ao longo da miña carreira tamén asumín responsabilidades na xestión universitaria e na avaliación da calidade do sistema universitario, como director da ACSUG ou en diferentes organismos do ámbito estatal e galego.
Creo no coñecemento, na investigación e na universidade pública como piares fundamentais para o progreso da sociedade.

Boas, son Uxía Oviedo de Dios. Graduada en Belas Artes e alcaldesa de Maceda dende 2023.

Entendo a política como unha ferramenta para transformar o noso entorno, coidar da nosa xente e construír un futuro mellor para o noso concello.

Boas, son Roberto.

Dende 2015 alcalde do Concello de Ribeira de Piquín. Na lexislatura pasada, deputado provincial na área de Recursos Sostibles, vinculada ao medio rural.

Técnico superior en electricidade e desenvolvín a miña traxectoria profesional durante máis de 10 anos en empresas do sector eléctrico.
Entendo o servizo público como unha responsabilidade coa xente e co territorio, especialmente no rural, que precisa apoio e oportunidades para seguir avanzando.

Boas, son Iván Puentes. Doutor en Comunicación e licenciado en Publicidade e Relacións Públicas pola Universidade de Vigo, actualmente traballo como profesor e investigador na Facultade de Comunicación do Campus de Pontevedra.

A miña traxectoria profesional comezou nos medios e na comunicación institucional, traballando na Televisión de Galicia e posteriormente no gabinete da Deputación da Coruña.

No ámbito político, fun alcalde de Fene entre 2007 e 2011 e na actualidade son concelleiro e portavoz do Grupo Municipal Socialista en Pontevedra, onde tamén formei parte do goberno local entre 2019 e 2023 como responsable de Desenvolvemento Sostible e Medio Natural.

Comprometido co servizo público dende moi novo, sigo traballando por unha política útil, próxima e centrada na xente.

Boas, son Ángel Rivas. Secretario de Organización e Acción Electoral de Vigo e membro da Executiva Provincial do PSdeG en Pontevedra.

Na actualidade son concelleiro no Concello de Vigo, onde estou ao cargo das áreas de Parques e Xardíns, Comercio e Festas Especiais.

Entendo o meu traballo como unha forma de mellorar o día a día da cidade e estar preto da veciñanza.

Boas, son Jorge Busto. Enxeñeiro civil e conto cun Mestrado en Dirección de Proxectos.

Levo máis de 20 anos vinculado ao deporte lucense, contribuíndo ao seu desenvolvemento e promoción dende diferentes ámbitos.

Entendo o deporte como unha ferramenta clave de valores, saúde e cohesión social.

Boas, son Teresa Fernández Pérez. Licenciada en Bioloxía e profesora de Secundaria, actualmente no IES Lucus Augusti.

No ámbito político, son concelleira de Servizos Sociais e Educación no Concello da Fonsagrada.

Entendo a educación e os servizos sociais como piares fundamentais para garantir igualdade de oportunidades e benestar no noso territorio.

Boas, son Lorena Tenreiro. Doutora en Publicidade e Relacións Públicas pola Universidade de Vigo. Iniciei a miña carreira como consultora de comunicación en axencias de Vigo, Santiago e Madrid, traballando para clientes públicos e privados.

No ano 2016 decidín emprender e comecei a xestionar a comunicación de pequenas empresas do sector hostaleiro e do turismo activo en Galicia.

Desde 2019 compaxino este labor coa política local no Concello das Pontes, onde fun concelleira de Organización Interna e Medios Locais e, na actualidade, de Cultura, Innovación, Novas Tecnoloxías e Xuventude. Ademais, son voceira do grupo municipal socialista no goberno local.

Creo na comunicación e na política como ferramentas para impulsar o desenvolvemento das persoas e dos territorios.

Boas, son Ángel Mato. Químico especializado en Enxeñería Química, ademais conto con formación de posgrao en xestión ambiental e xestión da calidade, e de técnico superior en prevención de riscos laborais e formación en defensa nacional.

A miña traxectoria está vinculada á xestión, á seguridade e á sustentabilidade, ámbitos nos que levo traballando ao longo da miña carreira.

Entendo o servizo público como unha responsabilidade orientada a mellorar a vida das persoas e coidar o noso entorno.

Boas, son Aitor Rodríguez. Graduado en Bioloxía, cun Mestrado en Investigación Biomédica, e doutor en Medicina Molecular pola Universidade de Santiago de Compostela.

Na actualidade desenvolvo a miña actividade como investigador contra o cancro no Instituto de Investigación Sanitaria de Santiago, participando en proxectos nacionais e internacionais e colaborando con equipos multidisciplinares.

No ámbito político, comecei en Xuventudes Socialistas e posteriormente asumín responsabilidades no PSdeG, especialmente no eido dos dereitos LGTBI, área da que son actualmente secretario a nivel galego.

Compaxino a investigación e o compromiso social cunha mesma motivación: mellorar a vida das persoas a través do coñecemento e da igualdade.

Entendo a política como un servizo público centrado nas persoas, no coidado da nosa veciñanza e na mellora constante do noso concello.

Boas, son Francisco Javier. Doutor pola USC, graduado en Enxeñaría Informática con premio extraordinario, e conto con dous Mestrados en supercomputación e tecnoloxías cuánticas.

Na actualidade traballo como investigador posdoutoral no CiTIUS, onde defendín a miña tese en computación cuántica e intelixencia artificial. Tamén participo en proxectos de innovación tecnolóxica, como a creación da canción colaborativa galega ‘Florespiña’, empregando IA.

No ámbito político, formo parte da Comisión Executiva Municipal do PSdeG en Santiago de Compostela dende 2023.

Entendo a tecnoloxía e o coñecemento como ferramentas para avanzar cara a unha sociedade máis innovadora e con máis oportunidades.

Boas, son Iria Sobrino. Doutora arquitecta e concelleira no Concello de Marín, cargo que desempeño dende 2019 e que continúo na actualidade.

A miña traxectoria profesional está vinculada ao urbanismo e ao territorio, con especial interese nas dinámicas complexas, a hibridación territorial e a transformación dos espazos desde unha perspectiva sostible.

Traballei como asesora de administracións en estratexias urbanas a distintas escalas, así como en proxectos de investigación sobre patrimonio industrial.

Entendo o urbanismo como unha ferramenta viva, capaz de mellorar a relación entre as persoas, o territorio e o medio que habitamos.

Boas, son Bárbara Domínguez González. Graduada en Ciencias Políticas e da Administración e conto cun Mestrado en Protocolo e Organización de Eventos.

Na actualidade traballo en remoto como coordinadora de eventos nunha empresa con sede en Mallorca.

Son militante da Agrupación Socialista da Guarda e formo parte da súa Executiva como secretaria de Política Municipal.

Entendo a organización e a política como ferramentas para conectar persoas, proxectos e territorios.

Boas, son Digna Rivas. Técnica en Prevención de Riscos Laborais, en Coidados Auxiliares de Enfermería e en Laboratorio e Análise Clínicos.

Desenvolvín a miña traxectoria profesional en distintos ámbitos sanitarios, como o Hospital do Meixoeiro en Vigo, residencias e centros de día, e tamén como técnica de emerxencias no Concello de Redondela.

No ámbito político, fun concelleira dende 2011 e deputada provincial en distintas etapas. Dende 2019 son alcaldesa de Redondela, responsabilidade que continúo na actualidade tras renovar a confianza da veciñanza en 2023.

Tamén son secretaria xeral da Agrupación de Redondela e membro da Executiva Nacional.

Entendo o servizo público como un compromiso directo coa xente, baseado na proximidade, o coidado e a responsabilidade.

Boas, son Nico G. Casares. Traballei durante case 20 anos como enfermeiro, especialmente no ámbito da urxencia e a emerxencia, compaxinando a miña profesión coa docencia e a investigación.

A miña traxectoria política sempre estivo ligada ao PSdeG, onde ocupei distintas responsabilidades orgánicas e fun tenente de alcalde en Lalín, o lugar onde vivo e ao que estou profundamente vinculado. Na actualidade son secretario da UE do PSdeG e membro da dirección da Delegación Socialista Española no Parlamento Europeo.

Dende 2019 desenvolvo o meu labor como deputado no Parlamento Europeo, participando en políticas clave como a resposta sanitaria á pandemia, a loita contra o cancro, o acceso a medicamentos e a transición enerxética, coa defensa dun modelo máis xusto, sostible e útil para Galicia e para Europa.

Boas, son Ignacio Gómez Pérez. Realicei estudos de Dereito Administrativo na UNED e iniciei a miña traxectoria profesional no sector eléctrico, onde traballei entre 1993 e 2003.

A miña carreira política comezou no Concello de Ribadavia, onde fun tenente de alcalde, concelleiro e posteriormente alcalde entre 2015 e 2019. Tamén fun deputado provincial en Ourense entre 2007 e 2016.

Na actualidade son concelleiro en Ribadavia e formo parte do gabinete da Subdelegación do Goberno en Ourense.

Entendo o servizo público como unha forma de traballar pola miña vila e pola mellora da vida da veciñanza.

Boas, son Patricia. Licenciada en Dereito e avogada.

Na actualidade son alcaldesa do Concello da Pobra de Trives e secretaria local da Agrupación Socialista do municipio.

No ámbito orgánico, son secretaria de Emprendemento na Comisión Executiva Nacional Galega, responsabilidade que anteriormente desenvolvín tamén a nivel provincial en Ourense.

Entendo o servizo público como un compromiso directo coa veciñanza e co desenvolvemento do noso territorio.

Boas son Patricia Iglesias. Xurista cunha forte vocación de servizo público, comprometida co feminismo, co progresismo e coa defensa da xustiza social e da igualdade.

Son letrada da Xunta de Galicia desde o ano 2005, tras superar a oposición ao corpo superior da Administración autonómica (escala de letrados/as). Ao longo da miña carreira desempeñei distintos postos como asesora xurídica en consellerías, sociedades e axencias públicas da Xunta de Galicia. Desde maio de 2019 fun designada letrada maior do Consello de Contas de Galicia, órgano encargado da fiscalización das contas públicas do sector público galego.

Son tamén coordinadora en Galicia da Asociación de Mulleres no Sector Público, unha entidade de ámbito estatal que reúne case mil socias e que ten como obxectivo dar visibilidade ao talento e ao traballo das empregadas públicas, promover a presenza paritaria das mulleres nas administracións e impulsar medidas de corresponsabilidade.

A miña traxectoria profesional céntrase no asesoramento xurídico e na defensa en xuízo, especialmente no ámbito do dereito público e en sectores regulados como o industrial, o enerxético e o mineiro. Durante máis de oito anos traballei na asesoría xurídica da consellería con competencias en economía, industria e innovación. Destaco tamén pola miña especialización en contratación pública, integridade institucional, transparencia e bo goberno.

Ademais, son directora e relatora en cursos, Mestrados e conferencias organizados por universidades e escolas da administración pública en materias de dereito administrativo. Son autora de artigos doutrinais e coautora de obras colectivas sobre contratación pública, subvencións, integridade institucional e prevención da corrupción.

Formo parte do grupo de integridade na contratación pública da FEMP e da Sección de Public Compliance do Consello Superior de Letrados de Comunidades Autónomas.

Boas son Ramón López. Son licenciado en Dereito e alcalde do concello de Entrimo.

Teño formación xurídica e experiencia na xestión municipal, ao exercer responsabilidades de goberno local como representante do meu concello.

Boas son Eladio Santos! Catedrático de Ensino Secundario na especialidade de Xeografía e Historia.

Exerzo como Secretario Xeral da Agrupación Municipal do Barco de Valdeorras, e fun concelleiro no Concello do Barco de Valdeorras.

Tamén fun subdelegado do Goberno en Ourense.

Boas son Ana Alvite! A nova Secretaria Xeral das Xuventudes Socialitas de Galicia. Ademais de enfermeira do SERGAS no Hospital da Barbanza.

Realicei o grao en Enfermaría na Universidade de Santiago de Compostela. Son militante das Xuventudes Socialistas en Santiago de Compostela e ocupo o cargo de secretaria de Benestar e Políticas Sociais nas XSG CENG.

Ademais, fun candidata número 2 polo municipio de Ribeira nas anteriores eleccións municipais.

Boas, son Estefanía Taín! Diplomada en Economía e actualmente traballo como axente de seguros. Tamén son propietaria dunha explotación porcina e presidenta da Asociación de Cabaleiros de Silleda.

Boas, son Celso. Profesor xubilado de Lingua e Literatura Galega. Fun alcalde de Maside con maioría absoluta desde xuño de 2007 ata decembro de 2018, momento no que cedín a alcaldía ao tenente de alcalde e actual alcalde, José Manuel Iglesias, para dirixir o SEPE na provincia de Ourense, cargo que xa exercera en 2004 e que deixara en 2005 para asumir a Delegación Provincial da Consellería de Medio Ambiente e Desenvolvemento Sostible en Ourense ata 2007.

Son diplomado en Maxisterio e licenciado en Filoloxía Hispánica, e fun xefe de estudos e director do IES nº 1 do Carballiño.

Boas, son Lara Méndez López!

Enxeñeira técnica agrícola, polo cal levo boa parte da miña vida profesional vinculada ao sector agrario e ao medio ambiente. Traballei en proxectos relacionados co rural, na formación de persoas desempregadas e emprendedoras, e tamén como técnica medioambiental, sempre coa mirada posta no desenvolvemento do noso territorio.

Comprometida co movemento asociativo, participei na creación de FADEMUR en Galicia, defendendo o papel das mulleres no rural e colaborando tamén en iniciativas culturais.

A miña traxectoria política comezou nas Xuventudes Socialistas e, co tempo, asumín distintas responsabilidades orgánicas dentro do PSdeG. Hoxe son vicesecretaria xeral da Executiva Nacional Galega e membro do Comité Federal.

Boas, son Aitor Bouza. Licenciado en Dereito pola Universidade de Santiago de Compostela e asesor xurídico e profesor. Ademais, de contar cun Mestrado en Márketing, Consultoría e Comunicación Política.

Na actualidade son secretario xeral do PSdeG de Santiago e presidente do Comité Galego Arbitral da Federación Galega de Natación.

Entendo o servizo público como un compromiso coa sociedade, traballando con responsabilidade e a vocación para mellorar o noso entorno.

Boas, son Julio Torrado.

Docente e investigador na Universidade de Santiago de Compostela, desenvolvo tamén actividade docente en distintas universidades internacionais como a Universidade Lusófona do Porto, a Pontificia de Ecuador e a UNIR. Ademais, colaboro como profesor de posgrao na Facultade de Psicoloxía da USC.

Entre 2016 e 2023 fun deputado autonómico no Parlamento de Galicia. E agora volvo a selo.

Entendo a docencia e o servizo público como ferramentas para formar, compartir coñecemento e contribuír a unha sociedade mellor.

Ola, son Carmela Silva.
Son licenciada en Dereito Económico-Empresarial e diplomada en Maxisterio. Na actualidade son presidenta do PSdeG e membro do Comité Federal, ademais de vicesecretaria xeral da Agrupación Local de Vigo.

Tamén son senadora, onde presido a Comisión de Orzamentos e exerzo como portavoz da Comisión de Seguimento do Pacto de Estado contra a Violencia de Xénero. Ademais, formo parte da Comisión de Igualdade, da Comisión de Regulamento e son viceportavoz da Comisión Xeral das Comunidades Autónomas.

No ámbito municipal, son primeira tenenta de alcalde no Concello de Vigo.